गजल : तिम्रो आँखा

                                                                                                                                         -प्रभाकर गौतम

कहिलेकाहीँ लेख्दा लेख्दै गजल बन्छ । भर्खरै लेखेको एउटा गजल यस्तो बन्यो –


प्रेमको नौलो कहानी बोल्छ तिम्रो आँखा
शब्दमा नढल्ने जुवानी बोल्छ तिम्रो आँखा

मानौँ सदियौंदेखि परिचित छ मसँग
खै कुन जन्मको निशानी बोल्छ तिम्रो आँखा

यादको काँडाबीच निदाउँछ मन अचेल
न्यानो मखमली सिरानी बोल्छ तिम्रो आँखा

हेर्दामा चञ्चल छ पढ्दामा गम्भीर
एकतमासको विरानी बोल्छ तिम्रो आँखा